Impression Management (IM)

IM ဆိုတာ လူတွေက ကိုယ့်ကိုမြင်တဲ့အမြင် (impression) ကို လွှမ်းမိုးတဲ့ လုပ်ဆောင်ချက်ဖြစ်ပါတယ်။ ဥပမာ - ကိုယ့်ရဲ့စွမ်းဆောင်ရည်ညံ့ဖျင်းလို့ အပြစ်တင်ခံရတာမျိုးကို ရှောင်ရှားလိုတဲ့အခါနဲ့  အမှားလုပ်မိလို့ ခွင့်လွှတ်မှုကို တောင်းခံတဲ့အခါမှာသုံးတဲ့ “ဆင်ခြေပေးခြင်းနဲ့ တောင်းပန်ခြင်း”  စတဲ့ နည်းလမ်းများ ပါဝင်ပါတယ်။ IM မှာ သုံးလေ့ရှိတဲ့ နည်းလမ်း (၄) မျိုးကတော့ …

၁။ Exemplification - အဖွဲ့အစည်းရဲ့ ရည်မှန်းချက်ပန်းတိုင်နဲ့ လုပ်ဖော်ကိုင်ဖက်တွေ၊ ဝန်ထမ်းတွေအပေါ်မှာ အချိန်ပေးပြီး သစ္စာရှိစွာ ပေးဆပ်လုပ်ဆောင်နေတယ်လို့ ထင်ခံရတဲ့အပြုအမူတွေနဲ့ လုပ်ဆောင်နေတာမျိုး ဖြစ်ပါတယ်။ အလုပ်ကိုစောလာပြီး နောက်ကျမှပြန်တာမျိုး၊ သူများစောင့်ကြည့်နေမှန်းသိနေရင် ပိုပြီးကြိုးစား ပြတာမျိုး၊ ပေါ်လွင်ထင်ရှားပြီး နာမည်ကောင်းရနိုင်တဲ့အလုပ်မျိုးမှာ volunteer လုပ်ပေးခြင်း စတဲ့ပုံစံမျိုး ဖြစ်ပါတယ်။

၂။ Ingratiation - တခြားသူတွေဖြစ်စေချင်တဲ့ social qualities တွေကို ကိုယ့်မှာရှိကြောင်းပြတဲ့ပုံစံမျိုးနဲ့ လူတွေကို လွှမ်းမိုးတာဖြစ်ပါတယ်။ ဥပမာ - လူတွေက ချီးကျူးခံချင်နေတဲ့အခါမှာ ချီးကျူးပေးတာမျိုး၊ သူတို့ပြောတာကို ရယ်စေချင်ရင် (စိတ်မပါသည့်တိုင်အောင်) ရယ်မောပေးတာမျိုး ဖြစ်ပါတယ်။

၃။ Self-Promotion – ကိုယ့်ရဲ့အရည်အချင်းတွေကိုဖော်ပြပြီး လွှမ်းမိုးတဲ့နည်းလမ်းပါ။ ကိုယ့်ရဲ့အောင်မြင်မှုနဲ့ အရည်အချင်းတွေကို လူတွေကိုပြောပြတာမျိုး၊ ကိုယ့်ရဲ့ diploma certificates တွေ၊ ဆုတံဆိပ်တွေကို အများမြင်အောင် ပြသထားတာမျိုးနဲ့ တစ်ဆင့်စကားနဲ့ ကိုယ့်အရည်အချင်းတွေကို လူတွေသိသွားအောင် လုပ်ဆောင်တာမျိုး ဖြစ်ပါတယ်။

၄။ Intimidation - ကိုယ်ဖြစ်စေချင်တာကို ပြီးမြောက်အောင်မြင်အောင် မလုပ်နိုင်တဲ့လူတွေကို၊ ကိုယ်သာ ဆန္ဒရှိရင် သူတို့ကို နစ်နာသွားအောင်လုပ်နိုင်တဲ့ အရည်အချင်းနဲ့ ပါဝါရှိကြောင်းပြပြီး လွှမ်းမိုးတဲ့နည်းဖြစ်ပါတယ်။ ဥပမာ - ဘယ်သူကတာဝန်မကျေလို့ ဘယ်လိုတွေအပြစ်ပေးလိုက်ကြောင်းကို တခြားလူတွေကို ပြောပြတာမျိုး ဖြစ်ပါတယ်။

ကဲ .. leader/ manager တစ်ယောက်အနေနဲ့ သူများဆီက impression ရအောင် ဘယ်နည်းလမ်းကို သုံးချင်ပါသလဲ?

Ref: Leadership in Organization by Gary Yukl

Aye Aye Win

B. Com (Hons), M.Com (YUE),

Diploma in English,

M.A (International Business Studies),

(Sophia University, Japan)