Strategy First International College

Strategy First International College ၏ ကဆုန်လပြည့် ဗုဒ္ဓနေ့အကြို ကဆုန်ညောင်ရေသွန်းပွဲ နှင့် တရားပွဲ

29 April, 2026

Strategy First International College ၏ ကဆုန်လပြည့် ဗုဒ္ဓနေ့အကြို ကဆုန်ညောင်ရေသွန်းပွဲ နှင့် တရားပွဲ

............................

Strategy First International College ၏ ကဆုန်လပြည့် ဗုဒ္ဓနေ့အကြို ကဆုန်ညောင်ရေသွန်းပွဲ နှင့် တရားပွဲကို မြန်မာသက္ကရာဇ် (၁၃၈၈) ခုနှစ်၊ ကဆုန်လဆန်း (၁၄) ရက် (ဧပြီလ (၂၉) ရက်နေ့၊ ၂၀၂၆ ခုနှစ်) တွင် Strategy First International College မှ ဆရာ၊ ဆရာမများ၊ ကျောင်းသား၊ ကျောင်းသူများနှင့် ဝန်ထမ်းများမှ ရန်ကုန်မြို့၊ ကိုးထပ်ကြီးဘုရားတွင် ဘုရားဝတ်ပြုပူဇော်ကာ မဟာဗောဓိပင်ကို လက်ယာရစ် (၃) ပတ်ပူဇော် ညောင်ရေသွန်းခဲ့ကြပြီး ကုသိုလ်ကောင်းမှုများ အတူတကွပြုလုပ်ခဲ့ကြပါသည်။

ညောင်ရေသွန်းပွဲ ကျင်းပပြီးနောက် Strategy First Teaching Centre (1) ၌ ဆရာတော် သံဃာတော်များကို သင်္ကန်းစသော လှူဖွယ်ဝတ္ထုများနှင့် နေ့ဆွမ်းဆက်ကပ်လှူဒါန်းခဲ့ကာ မဟာသွံဿာရ ဆရာတော် ဘန္ဒန္တကုမာရ မှ တရားတော် ဟောကြားပေးခဲ့ပါသည်။

တရားပွဲ အခမ်းအနားအပြီးတွင် ဗုဒ္ဓဂါယာဘုရားဖူးကုသိုလ်အဖြစ် လာရောက်ကုသိုလ်ယူကြသော ကျောင်းသား၊ ကျောင်းသူများကို မဲဖောက်ပေးခဲ့ရာ BSc (Hons) Computer Science, UK Bachelor’s Programmes အတန်းမှ ကျောင်းသား "ကိုကျော်ဇောဟိန်း"မှ ဘုရားဖူးခရီးစဉ် ကံထူးသွားခဲ့ပါသည်။

ကြွရောက်လာသော ကျောင်းသား၊ ကျောင်းသူများနှင့် ဧည့်သည်တော်များကို နံနက်စာ၊ နေ့လယ်စာနှင့် ရွှေရင်အေးတို့ဖြင့် တည်ခင်းဧည့်ခံခဲ့ပါသည်။

ကဆုန်လပြည့် ဗုဒ္ဓနေ့အကြို ကဆုန်ညောင်ရေသွန်းပွဲ နှင့် တရားပွဲကို တက်ရောက်ပေးကြသော ဆရာကြီး၊ ဆရာမကြီးများ၊ ကျောင်းသား၊ ကျောင်းသူများ နှင့် ၀န်ထမ်းများအားလုံးကိုလည်း ကျေးဇူးအထူးတင်ရှိပါသည်။